23-сентябрь Мамлекеттик тил күнү! 23-сентябрь Мамлекеттик тил күнүнө карата шаардык мэрия тарабынан уюштурулган "Кыргыз тили - улуттун күзгүсү"аттуу иш чарага Жалал-Абад медициналык колледжинин жамааты жана студенттери активдүү катышышты. Көркөм окуу эстафетасына эң мыкты катышкандыгы үчүн Жалал-Абад медициналык колледжинин Мамлекеттик тил жана тарбия иштери боюнча директордун орун басары Шырдакова Ж.А.га шаардык мэрия тарабынан ыраазычылык каты тапшырылды. Кыргыз тили жана адабияты предметинин окутуучусу Сыргабаева Н.Т. КРнын Кыргыз тили коомунун “Ыйык тил” төш белгиси менен сыйланды. Иш чарада окуу жайлардын арасында көргөзмө уюштурулуп, кыргыз тили предметинин окутуучусу Нуруева А.Т., англис тили предметинин окутуучусу Эсенбай кызы Венера тайпалары менен көргөзмөгө активдүү катышышты. Көргөзмөдө улуттун нарктуулугун баалаган бардык буюм-теримдер комуздан баштап, көөкөр, баш кийимдер, туш кийиз, кыргыздын оймолору түшүрүлгөн чапандар, төшөктөр, бешик, шырдамал жана башка сувенирлер коюлуп, фуршет уюштурулду. 1-сентябрь - Билим күнү! 1-сентябрь - Билим күнү! Бүгүн, Жалал-Абад медициналык колледжинде 1-сентябрь "Билим күнүнө" карата салтанаттуу линейка болуп өттү. Салтанаттуу линейкага окуу жайдын жалпы жамааты, студенттер жана ата-энелер катышышты. Салтанаттуу линейканы директор У.Т.Парханова ачып, жаңы окуу жылынын башталгандыгы менен окутуучуларды, студенттерди куттуктады жана колледждин таланттуу студенттери ыр, бийлерлерди тартуулашты. Бош жумуш орундар жана кесиптер жарманкеси-2024 Кыргыз Республикасынын Саламаттык сактоо министрлигинин 2024-жылдын 9-апрелиндеги “Кыргыз Республикасынын медициналык колледждеринде вакансия жарманкесин өткөрүү жөнүндө” №364-буйругунун, Жалал-Абад шаарынын мэрясынын 2024-жылдын 24-апрелиндеги “Бош жумуш орундар жана кесиптер жарманкеси – 2024” №179-б сандуу буйругунун негизинде ЖАМКда 2023-2024-окуу жылында бюджеттик негизде билим алып жаткан төмөнкү адистиктер боюнча бүтүрүүчү студенттерди бош орундар менен камсыз кылуу максатында, 2024-жылдын 28-майында саат 10:00дө онлайн форматта бош жумуш орундар жарманкеси өткөрүлдү. Жалал-Абад облусундагы Саламаттыкты сактоо мекемелеринин жетекчилери катышып, биздин окуу жайдан бүтүргөн бүтүрүүчүлөр жакшы иш алып барып жаткандыгын, биздин бүтүрүүчүлөргө суроо-талап көп экендигин, алардын иштөөсүнө жакшы шарттар түзүлгөндүгүн жана бош орундарга быйылкы бүтүрүүчулөрдү жумушка кабыл алуу боюнча тыгыз байланышта болорун билдиришти. “Акушердик иш”, “Медико-профилактикалык иш”, “Ортопедиялык стоматология”, “Профилактикалык стоматология”, “Фармация”, “Медициналык айым иши”, “Лабораториялык диагностика”. Олимпиада Кыргызстандагы орто медициналык адистерди даярдоонун сапатын жогорулатуу максатында 2024-жыл 20-май күнү Өзгөн эл аралык медициналык колледжинде Ош мамлекеттик университетинин 85 жылдык маарекесине карата өткөрүлгөн "Медициналык айым иши" жана “Фармация” адистиктери боюнча Кыргызстандагы медициналык колледждердин ассоциациясынын республикалык олимпиадасынын жыйынтыгы чыгарылды. Жогорку баллга ээ болуп, алдынкы орунга жетишкен студенттерди сыйлоо аземи Бишкек жана Ош шаарларында болуп өттү. Сыйлыктарды ОшМУнун Орто кесиптик билим берүү департаментинин директору, медицина илимдеринин кандидаты, доцент Мамажакып уулу Чыңгыз жана ассоциациянын төрагасы Ө.Т.Станбаев тапшырды. Жеңүүчүлөргө ОшМУнун белектери жана ассоциация тарабынан диплом, акчалай сыйлык тапшырылды. Экинчи орун Жалал-Абад медициналык колледжинин Фармация адистигинин 3-курсунун студенти Эрмек кызы Жумагүл 2-даражадагы диплом жана 3000(үч миң)сом акчалай сыйлык менен сыйланды. Кыргыздан чыккан Барпы ырчы, кыйланы жеңген алп ырчы ЖАМКда айтылуу Барпы акындын 140 жылдыгына арналган «Кыргыздан чыккан Барпы ырчы, Кыйланы жеңген алп ырчы” аттуу музыкалуу адабий кече болуп өттү. Кече кыргыз тили жана адабияты предметинин окутуучусу Н. Т. Сыргабаева тарабынан уюштурулду. Иш-чаранын жүрүшүндө К. Ш. Токтомаматов атындагы Эл аралык университеттин окутуучусу, изденүүчү У. Абдыгулов акындын чыгармачылыгы боюнча илимий баяндама жасады. Андан соң өнөрпоздор, белгилүү барпычы Чырмаш ырчы, акын Абдыкайым Ашимбаев, комузчу Токтомурат Осмоналиев, аткаруучу Кумар Матиев Барпы Алыкуловдун ырларын аткарышып, студенттердин маанайын көтөрүштү. ЛечД1-23 тайпасынын студенттери тарабынан акындын чыгармалары аткарылды. Спартакиада 26-27-апрель күндөрү Жалал-Абад шаардык Саламаттык Сактоо тармагында эмгектенген медициналык кызматкерлердин арасында Сергек жашоо, ден соолукту чыңдоо максатта Спартакиада өткөрүлдү. Спартакиада Жалал-Абад облустук кесиптик бирлигинин каржылык колдоосу менен өттү. ЖАОКОнун директору башкы дарыгер- Кумар Пазылович. Жалал-Абад облусунун үй-бүлөлүк медицина борборунун директору-Каарманбек Кочкорбаевич. Облустук кесиптик биримдик комитетинин төрагасы-Азизбек Суванович. Милдеттүү медициналык камсыздандыруу фондунун жетекчиси- Акматбек Самарбекович ж.б. жетекчилер Спартакиаданын ачылыш аземинде спортчу-медиктерге жакшы каалоо-тилектерин айтуу менен ийгиликтер каалашты. Мелдеш спорттун 9 түрү боюнча жүрүп, 12 команда катышты. Командада айрым жетекчилер өздөрү катышып кызыктуу оюндарды көрсөтүштү. Жалал-Абад медициналык колледжинин командасы теннис 1-орун, шашки 1-орун, волейбол кыздар 1-орун, шахмат 1-орун, кол күрөш 1-орун, волейбол балдар 2-орун, аркан тартыш, бильярд 2-орун, штанга көтөрүү (50кг) 2-орун мини футбол 3-орун алышты. ЖАМК командасы ар бир спорттун түрүн ийгиликтүү көрсөтүү менен жыйынтыгында жалпы эсептен 1-ОРУНГА чыгышты. 🏆🏆🏆 Чернобыль апаатына -38 жыл Бүгүн, ЖАМКда шаардык мэриянын 2024-жылдын 19-мартында №102-б сандуу буйругун аткаруу максатында “Чернобыль апаатына - 38 жыл” аттуу лекция-конференция өттү. Конференцияда Өзгөчө кырдаалдар министрлигинин ардагери камдыктагы полковник Аманбеков Джолдошбай Жаманбаевич, Ички аскерлердин ардагери камдыктагы полковник Исраилов Эльдияр Калыбекович сөз сүйлөп, студенттерге тарыхый окуяны баяндап беришти. Студенттер тарабынан кызыккан суроолор берилип, ыр, бийлер аткарылып, 7704 аскер бөлүктүн улук лейтенанты Мамытов Адилет пианинодо ойноп келген конокторго жагымдуу маанай тартууланды Кургак учук менен күрөшүү 01.04.2024. ЖАМКда "Өлкө боюнча 2024-жылдын 1-мартынан 1-апрелине чейин кургак учук оорусу менен күрөшүүнүн бир айлыгынын" жарыялангандыгынын негизинде "Кургак учук менен күрөшүү үчүн биригели" урааны астында 1-курстар арасында дубал гезит, 2- курстар арасында видеоролик сынагы жана 3- курстар учун конференциялар өткөрүлдү. Бир айлыктын жыйынтыгы чыгарылып, Улуттук Кызыл Ай коому тарабынан белектер тапшырылды. Экстремизмге жана терроризмге каршы аракеттенүү Бүгүн, Жалал-Абад медициналык колледжинде 2023-2027-жылдары Кыргыз Республикасынын Министрлер Кабинетинин экстремизмге жана терроризмге каршы аракеттенүү программасын ишке ашыруу боюнча Билим берүү жана илим министрлигинен келген 08.01.2024 №3/1 сандуу катынын негизинде Жалал-Абад ОИИБнын экстремизмге каршы күрөшүү бөлүмүнүн кызматкери, милициянын полковниги Урмат Калдаров, Жалал-Абад облустук дин комиссиясынын өкүлү Нурбек Кайсарбаев, Жалал-Абад облустук казысынын орун басары Алибек Батыралиев тарабынан студенттерге түшүндүрүү иштери жүргүзүлдү. Студенттер кызыккан суроолоруна кеңири маалымат алышты. Аккредитациялоодон өтүү 15-16 мартта БИЛИМ-СТАНДАРТ көз карандысыз аккредитациялоо агенттиги тарабынан Жалал-Абад медициналык колледжинин "Профилактикалык стоматология" жана "Ортопедиялык стоматология" адистиктери аккредитациялоодон бардык талаптарга жооп берип, ийгиликтүү өттү. "Кана эмесе кыздар" аттуу спорттук мелдеш ЖАМКда 1-курс Сестралык иш, Фармация, Дарылоо иши, Акушердик иш бөлүмдөрүнүнүн ортосунда "Кана эмесе, кыздар" аттуу спорттук мелдеш болуп өттү. Мелдештин талаптарын аткарып, I орун Фармация бөлүмү "Кыз-бурак", II орун Дарылоо иши бөлүмү "Эдельвейс", III орун Акушердик иш бөлүмү "Лидер" командалары ээлешти Сармерден Жалал-Абад медициналык колледжинин окутуучулары менен милициянын сармердени өттү. Жалал-Абад шаарындагы “Барпы” театрында Кыргыз Республикасынын Президентинин 2022-жылдын 30-августундагы “2022-2027-жылдарга улуттук наркты сактоо жана өнүктүрүү” жөнүндөгү жарлыгынын негизинде, Кыргыз Республикасынын Мамлекеттик тили жөнүндө мыйзамын ишке ашыруу максатында, "21-февраль- Эл аралык Эне тил күнүнө" жана Кыргыз милициясынын түзүлгөндүгүнүн 100 жылдыгына карата Жалал-Абад медициналык колледжинин окутуучу айымдарынын жана Жалал-Абад ОИИБнын эркек кызматкерлеринин ортосунда “Эне тил – достуктун жана биримдиктин тили” аттуу кыз-жигит сармерден сынагы өткөрүлдү. Салтанаттуу иш-чарага атайын LED экран коюлуп, кыргыздын улуттук даамдарынан этно фуршет уюштурулду. Ак калпак кийген жаш балдар тогуз коргоол, беш көкүл чачын өргөн кыздар топ таш ойноп, сахнанын көркүн ачып отурушту. Сармердендин катышуучулары ыр ырдап, бий бийлеп, макал-лакап, жаңылмач айтышып, өз өнөрлөрүн тартуулашты. Маданий иш-чарага келген күйөрмандар командаларына дем-күч берип, кубаттап отурушту. Сармердендин соңунда калыстар тобунун чечими менен эки команда тең чыгып, достуктун жеңиши менен жыйынтыкталды. Сармерденге катышкан Жалал-Абад ОИИБдин Ардагерлер кеңешинин төрагасы милициянын отставкадагы полковниги Капарбек Исаков, Жалал-Абад облусунун үй-бүлөлүк медицина борборунун директору – Саламаттыкты сактоо министрлигинин Жалал-Абад облусундагы координатору Каарманбек Байдавлетов, Жалал-Абад медициналык колледжинин директору Упел Парханова сөз сүйлөп, мындай иш-чаралар жарандарга позитив тартуулай тургандыгын белгилешти. Ошондой эле сармердендин белектери тапшырылды. Келген күйөрмандар сармерден жогорку деңгээлде өткөндүгүн, өздөрүнө руханий азык алышканын билдиришип, уюштуруу тобуна ыраазычылык билдирип кайтышты. Чыңгыз Айтматовдун 100 жылдык юбилейи Кыргыз ССРнин Эл жазуучусу, Кыргыз Республикасынын Баатыры Чыңгыз Айтматовдун 100 жылдык юбилейине жана 12- декабрь туулган күнүнүн 95 жылдыгына карата кыргыз тили жана адабияты окутуучусу Сыдыкова А.Т. тарабынан 1-курс Фарм-6-23, Фарм-7-23, Фарм-8-23 тайпаларына "Айылдан-ааламга кеткен жол" деген темада кече өткөрүлдү. Кечеде студенттер тарабынан докладдар окулуп, Айтматовдун чыгармаларынан көрүнүштөр, көркөм окуулар, ырлар аткарылды. Япониялык JICA эл аралык кызматташтык агентствосу Япониялык JICA эл аралык кызматташтык агенствосунун "Исследование бизнес-верификации ЦУР с частным сектором для непрерывного образования и развития государственной сертификации фармацевтов в КР " проектинин негизинде ЖАМКнын 3-курс фармация адистигинин 18 студенти 2023-жылдын 12-октябрынан 4-декабрына чейин онлайн окушту. 6-декабрь күнү JICAнын эксперти Накаджима Дайсукэ тарабынан посттестирлөө жүргүзүлдү. Өзүңдүн ВИЧ статусунду бил! 2023-жылдын 30-ноябрь күнү ЖАМКда "1-декабрь Бүткүл дүйнөлүк СПИДке каршы күрөшүү" күнүн белгилөө боюнча акциянын алкагында 2-ПЦК окутуучусу Инамжанова Г.Г. тарабынан "Өзүңдүн ВИЧ статусунду бил!" аттуу акция өткөрүлдү. Акцияга Жалал-Абад областтык кан аркылуу жугуучу оорулардын ВГ жана АИЖ вирустарын алдын алуу борборунун кызматкерлери Казыбекова Н.Ч., Чүрөкова А.А. катышты жана каалоочуларды ВИЧке тестирлөөдөн өткөрүштү. Акциянын алкагында белгиленген иш-чаралардын: 1-курстун студенттери арасында дубал гезит сынак-көргөзмөсүнүн, 2-курстар арасында видеороликтер сынагыгын, 3-курстар арасында волейбол боюнча спорттук мелдештин жеңүүчүлөрү аныкталып, кесиптик бирлик уюму тарабынан белектер, грамоталар менен сыйланды. 3-декабрь мүмкүнчүлүгү чектелген адамдардын күнү 3-декабрь -Мүмкүнчүлүгү чектелген адамдардын күнүнө карата ЖАМКнын жетекчилиги Ноокен районунун Шайдан айыл өкмөтүндөгү Ж. Ниязов атындагы жатак мектебинде өткөрүлгөн “Бардык балдарга бактылуу балалык” акциясына катышып, эмгек жамааттын атынан акчалай көмөк көрсөтүп келишти. 1-декабрь бүткүл дүйнөлүк СПИДке каршы күрөшүү күнү "1-декабрь- бүткүл дүйнөлүк СПИДке каршы күрөшүү күнүн" белгилөө боюнча 24.11.2023 күнү "Женщины ООН" эл аралык уюму менен биргеликте "Аялдар жана ВИЧ" темасында Жалал-Абад шаарындагы медициналык окуу жайлардын студенттери арасында Барпы атындагы кыргыз драма театрында конкурс болуп өттү. Жалал-Абад медициналык колледжинин "Сезим" командасы аялдарга карата болгон үй-бүлөлүк зордук-зомбулук, ВИЧ илдетинин жугуу жолдору, АРВ терапия, ВИЧ илдетин жугузуп алган аялдарды колдоо, аларды даңазалоо жөнүндө театралдаштырылган сахналык көрүнүш аткарып, 1-байгелуу орунду ээледи. 17-ноябрь студенттердин эл аралык күнү 17-ноябрь – Эл аралык студенттер күнүнө карата 1-курс студенттери үчүн “Студенттикке кабыл алуу – 2023” аземи өткөрүлдү. Аземге ЖАМКнын администрациясы, сыймыктуу бүтүрүүчүлөрү, ата-энелердин атынан чакырылган маданияттын мыкты кызматкелери Доорон Кудайбердиев, Каныбек Казакбаевдер катышышты. Аземди директор ачып, сыйлуу коноктор КРнын Президентинин Жалал-Абад облусундагы ыйгарым укуктуу өкүлчүлүгүнөн Аширова Г.А., Үй бүлөлүк медицина борборунун директорунун орун басары Маматалиева Г.А., Улуттук Кызыл Ай коомунан Анарбаев У.М., Жалал-Абад шаардык кеңешинин депутаттары Худайбердиева Г.Т., Маманов К.Т, Сыргабаева Н.Т. тарабынан жакшы каалоо-тилектер айтылып, 1-курс студенттерине символикалык билим ачкычы, сынак китепчеси, студенттик билет жана эмдөө шприци тапшырылды. Окуу иштери боюнча директордун орун басары студенттикке кабыл алуу буйругу менен тааныштырып, 8 адистикке бирден сынак китепчеси, студенттик билет тапшырылып, 1-курс студенттери “Татыктуу билим алууга, ак ниет, чынчыл болууга, тандап алган кесипти сүйүүгө, Ата Журттун мекенчил атуулдары болууга эл-жерди сүйүүгө” салтанаттуу түрдө АНТ беришти. • Аземде 1- 2-курс студенттери тарабынан даярдалган көңүл көтөргөн тамашалар, жагымдуу ырлар, бийлер аткарылды.Аземди Мамтил жана тарбия иштери боюнча директордун орун басары жыйынтыктап, келген конокторго ыраазычылык билдирди. Аткарылган иш-чара боюнча УТРК Жалал-Абад телеканалынан атайын убакыт бөлүнүп, эфирден чагылдырылды.Кеченин 2-бөлүгү студкеңеши тарабынан уюштурулуп, Хан Сарай grand hall ресторанында улантылды. АИВ инфекциясына консультация берүү жана тестирлөө боюнча колдонмону бекитүү 2023-жылдын 14-ноябрь күнү Жалал-Абад медициналык колледжинде КРнын ССМнин 12.04.2023. № 411 "АИВ инфекциясына консультация берүү жана тестирлөө боюнча колдонмону бекитүү жөнүндөгү" буйругу менен тааныштырып, №6 ПЦК окутуучулары Ураимова А.С., Мундузбаева М.А., Кымбатбекова Г .К. жана областтык кан аркылуу жугуучу ВГ жана ВИЧти көзөмөлдөө борборунун дарыгери Карыпбаев Н.М.тин катышуусунда кызыктуу конференция өтүлдү. Ата- энелер жыйналышы ЖАМКда ата-энелер жыйналышы өткөрүлдү. Студенттердин сабакка катышуусу, жүрүм-туруму, тартиби жөнүндө маалыматтар берилди. Мугалим кесиптердин улуусу ЖАМКда "5-октябрь - Мугалимдер күнүнө" карата ЛечД-6-22, СД-2-23 тайпалары менен биргеликте куратор Нуркулова Р.А. тарабынан "Мугалим кесиптердин улуусу" деген темада ачык тарбиялык саат өткөрүлдү. Ыр, бийлер аткарылып, таттуулар таркатылып, таңкы маанай тартууланды. Кесиптик бирлик комитети тарабынан окутуучуларга акчалай сыйлыктар тапшырылды. Карыялар күнү Бүгүн, Октябрьский айылындагы карыялар үйүнө ЛечД-1-21, СД-7-22 тайпалары менен биргеликте кураторлор Сыргабаева Н.Т., Алимкулова З.Ж. тарабынан ачык тарбиялык саат өткөрүлүп, карыяларга ыр, бийлерди тартуулашып, көңүлдөрүн алып келишти. Кызыл ай коому менен биргеликте 93 карыяга таттуулар, суусундуктар жана белектер тапшырылды. Улгайган адамдардын күнү ЖАМКда "1-октябрь Улгайган адамдардын күнүнө" карата АД-1-21 тайпасы менен биргеликте куратор Аманкулова Зыйнат Талиповна тарабынан "Ырыстуу, дөөлөттүү карыяларым" деген темада ачык тарбиялык саат өткөрүлдү. Студенттер тарабынан ыр, бийлер, көрүнүштөр аткарылып, жакшы маанай тартууланды. Кесиптик бирлик комитети тарабынан окутуучудан баштап, чарба кызматкерине чейин улгайган адамдарга акчалай белектер ыйгарылды. Тил - улуттун тиреги ЖАМКда "23-сентябрь Кыргыз Республикасынын Мамлекеттик тил мыйзамынын кабыл алынгандыгынын 34 жылдыгына" карата СД-4-21, Фарм-7-22 тайпалары менен биргеликте Эсенбай кызы Венера тарабынан "Тил-улуттун тиреги" аттуу салтанаттуу кече өткөрүлдү. Студенттер тарабынан манас айтуу, көркөм окуу, кыргыздын каада салттары көрсөтүлүп, конок болуп келген 7704 аскер бөлүгүнүн жоокерлери тарабынан дагы өз өнөрлөрү тартууланды. Тартип бузуулардын жана кылмыштуулуктун алдын алуу ЖАМКда тартип бузуулардын жана кылмыштуулуктун алдын алуу боюнча 1-курстун студенттерине Жалал-Абад ШИИБнын кызматкерлери менен биргеликте түшүндүрүү иштери жүргүзүлдү. 1-сентябрь Билим күнү! 1-сентябрь Билим күнүңүздөр менен! Жалал-Абад медициналык колледжинде 1-сентябрь "Билим күнүнө" карата салтанаттуу линейка болуп өттү. Салтанаттуу линейкага окуу жайдын жалпы жамааты, студенттер жана ата-энелер катышышты. 17-ноябрь Эл аралык студенттер күнү! 17-ноябрь – Эл аралык студенттер күнүнө карата “Студенттикке кабыл алуу – 2022” аземи өткөрүлдү. Аземге ЖАМК нын администрациясы, сыймыктуу бүтүрүүчүлөрү, ата-энелердин атынан чакырылган маданияттын мыкты кызматкелери Доорон Кудайбердиев, Каныбек Казакбаевдер катышышты. Аземди директор ачып, келген сыйлуу коноктор тарабынан жакшы каалоо-тилектер айтылып 1-курс студенттерине символикалык билим ачкычы, сынак китепчеси, студенттик билет жана эмдөө шприци тапшырылды. 2022-2028-жылдарга карата укук бузуулардын алдын алуу чөйрөсүндөгү мамлекеттик саясаттын концепциясын ишке ашыруу КР Министрлер Кабинетинин 2022-жылдын 23-августундагы “2022-2028-жылдарга карата укук бузуулардын алдын алуу чөйрөсүндөгү мамлекеттик саясаттын концепциясын ишке ашыруу” жөнүндө #469 сандуу токтомун ишке максатында 17-октябрь 1-курс активдери жана эркек балдар арасында жыйналыш өткөрүлдү. Кыргыз Республикасынын Президентинин “ 2022-жылды Тоо экосистемаларын жана климаттын туруктуулугун коргоо жылы деп жарыялоо жөнүндө” Жарлыгын аткаруу максатында 17-сентябрдан 31-октябрга чейин “Таза Мурас” акциясынын алкагында ар ишемби күндөрү окуу жайдын бардык корпустарында ишембиликтер өткөрүлдү. Шаардык мэрия тарабынан белгиленип берилген Мурзакул Болуш көчөсүндө Жалал-Абад санаториясына чейинки жол жээктери таштандылардан тазаланып, ирээтке келтирилди. 5-октябрь Мугалимдер күнү! 5-октябрь - Мугалимдер күнү” Мамытбек кызы Гульнур тарабынан СД-6-21 тайпасында ачык тарбиялык саат жана Жаштар комитети тарабынан сый дасторкону менен өткөрүлдү. Кесиптик бирлик комитети тарабынан 25 окутуучуга 200(эки жүз) сомдон, 2 окутуучуга “ Ардак грамота” тапшырылды. 1-октябрь Улгайган адамдардын күнү! 1-октябрь “Улгайган адамдардын күнүнө” карата Эсенбай кызы Венера тарабынан СД-4-21 жана Леч.д-6-20 тайпаларында «Карылар – биздин бактыбыз» деген темада ачык тарбиялык саат сый дасторкону менен өткөрүлүп, кесиптик бирлик комитети тарабынан колледждин 14 аксакал окутуучуларына 500 (беш жүз) сомдон акчалай сыйлык берилди. Ата-энелер менен жолугушуу Сентябрь айында ата-энелер жыйналышы өткөрүлүп, директор тарабынан колледж жөнүндө маалыматтар, директордун окуу иштери, практикалык окутуу жана тарбия иштери боюнча орун басарлары тарабынан ebilim системасы, практикалык сабактар, сабакка катышуу-жетишүү, жатакана жана тарбия иштери боюнча маалымат, сунуштар айтылды. Окуу жайдын юристти тарабынан укук бузуулардын алдын алуу боюнча маалыматтар берилди Сентябрь айында ата-энелер жыйналышы өткөрүлүп, директор тарабынан колледж жөнүндө маалыматтар, директордун окуу иштери, практикалык окутуу жана тарбия иштери боюнча орун басарлары тарабынан ebilim системасы, практикалык сабактар, сабакка катышуу-жетишүү, жатакана жана тарбия иштери боюнча маалымат, сунуштар айтылды. Окуу жайдын юристти тарабынан укук бузуулардын алдын алуу боюнча маалыматтар берилди 2022-2023-окуу жылына карата түзүлгөн иш-пландын жана Президенттин Жалал-Абаддагы өкүлчүлүгү жана шаардык мэрия тарабынан келген каттардын негизинде Мам. тил жана тарбия иштери боюнча төмөндөгү иш-чаралар аткарылды . 5-октябрь Мугалимдер күнү!
